كتير بنعشق وأخرتها اييييييييية ؟؟

النهارده عاوز اتناقش معاكو فى موضوع وهو للبنات والولاد

ونبتدى بالبنات

بصوا يا بنوتات لو دلوقتى انتى بتحبى واحد وبتحبيه بجد بس فى حاجه

وهو ان انتو لسه سنكو صغير مش كبار لدرجة انكو تتحملو مسئوليه

او فى حاجه ان انتى مش قايله لبابكى ومامتك انتى مش بتعملى حاجه غلط بس لان العقليه الشرقيه مش بتعترف بالحب ده

او انك متاكدة ان اهلك مش هيوافقو لظروف معينة

سؤالى ليكم بقى هل هاتاخدى قرار انك تبعدى وانتى بتحبيه جدااا عشان مش قايله لاهلك ومش عاوزه صورتك تصغر فى نظره ولا هاتقولى انا هاعيش النهارده ومش هافكر فى بكره؟؟؟؟

ايه هايكون رايك؟؟

والولاد بقى هل انت بتقدر تفرق بين البنت اللى بتحبك بجد والمحترمه فى نفس الوقت وبين اللى بتتسلى؟؟

ولو حبيبتك جات قالتلك انا لازم ابعد رغم انى بحبك وشرحتلك وجهة نظرها هل هاتعلى فى نظرك اكتر ولا هاتقول دى مش بتحبنى وتنساها وتعيش قصة حب مع واحده غيرها؟؟؟

معلش طولت عليكو بس الحكايه دى فعلا بقت كتييييييير اوى

اولا مشكووووووووووره جا يا بيبو على موضوعك الجميل
ثانيا حاقولك رايي في الموضوع دا يعني لو انا مثلا بحب واحد واهلي مش موافقين عليه اعمل ايه
عارفه احنا دايما بنقول ان الحب تضحيه بس مش معنى التضحيه ان احنا نضحي بحاجه او كماليات كدا ولا كدا ممكن نستغنى عنها لا احنا ممكن نضحي بحد بنحبه عشان حد بنحبه فاهماني؟
يعني انا ممكن اضحي بالأنسان الي حبيته في حياتي عشان بحب اهلي ومش حاقبل اني اجبرهم على حاجه مش عايزنها ودي مش يبقى اسمها خيانه او غدر بالعكس الخيانه فعلا حتبقى لو استمريت مع الشخص دا لاني بكدا بخون اهلي وبخون الثقه الي حطوها فيا

سوري اني طولت عليكم بس يارب اكون قدرت اوصل وجهة نظري وفي النهايه دا مجرد رأي يحتمل الصواب والخطأ

ميرسى ياشوشو على مرورك الجميل دة

اية ياجماعة مافيش ولاد فى المندى يقولو رأيهم اية فى الموضوع دة البنات ردت مستنبية ردود الولاد

ههههههههه
لاء الولاد موجودين بس انا مابحبش استعجل كنت مستني رد بنت واحدة علشان ارد انا كمان

اولا مش معني ان البيت المصري مش معترف بالنوع دة من الحب يبقي مش موجود ومش مفروض علينا برغم التحفظات اللي احنا او اهلنا بنمارسها بس كل انسان وليه عقله وطبعه كمان

انا واحد من الشباب لو كانت فيه بنت بحبها وهية مش قايله لاهلها وجات قالتلي انا هابعد علشان اهلي مش موافقين انا مش هازعل بس عارفة انا هاعمل اية هاروح تاني يوم عندهم البيت واشرح لابوها حبنا واتمسك بيه علشان البنت اللي تخاف علي سمعتها قبل ماتخاف علي اهلها تبقي جديرة انها تتحب

ثانيا لفرق بين البنت المحترمة الجادة وبين البنت اللي بتتسلي بسيط جدا ومش محتاج مجهود اني لو كنت انا او الولد اللي بيتكلم مع البنت محترم اكيد لازم تكون محترمة ولو كنت انا او غيري بنتسلي يبقي اكيد هية كمان بتتسلي وربنا قال
( يأبن ادم افعل ما شئت فكما تدين تدان)
يعني زي ما قولت دة بيتوقف عليا وبردوا علي البنت زيي لازم هية كمان تكون صادقة من جواها
اي خدمة بيبو واتمني وجهة نظري ما تعملش زعل لاي حد
اخوكم صلاح الدين ابو اية
شاعر المنتدي