وشوشة فى الحب ورومانسية من القلب...

ازيكوااااا كلكوااا الاول يااحلى منتدى فى الدنيا تعالوا نشوف فكرة الموضوع

فكرة موضوعنا النهارده ان ازاى كل واحد فينا يطلع اللى فى قلبة

هنوشوش قلبنا ونتكلم فى الحب والرومانسيه من القلب

وبراحتك فى الكلام او الاجابه

احنا هنوجه للعضو اسئله وهو هيجاوبنا عليها وبعدين نكلمه شويه عن حبه وحبيبته




الشروط للاشتراك معنا

1_ الصراحة

2_ الواقعية وعدم التمثيل فى الرد


ازاى اعضائنا يشتركوا معنا

التوبيك دة عبارة عن هنطلب عضو معانا من اعضاء المنتدى الحلوين وكل واحد اتكلم يختار العضو اللى يحب يتسأل بعده

ونقعد معاة هيحكى لينا شوية حاجاات كدة عن حبك وحبيبتك


شوية اسئله على الماشى
1 - بتحب ؟

2- ناوى تترتبط بيها ؟؟ رتبااط رسمى ؟؟

3_ حاسس انك بتحبهاا اكتر ولا هى اللى بتحبك اكتر ؟؟

4_ لو مش بتحب وعايز ترتبط مواصفاتهااا اية اللى عايزها ؟؟

5_ لو مش بتحب ومش عايز تحب وما بتفكرش ليه ؟؟!

6_ الحب بالنسبة ليك جرح !!! ازاى

7_ الحب بالنسبة ليك فرح !!! ازاى


وفى الاخر تحب تسمع اغنية اية معناا النهاردة




وفى النهاية

احب اقول

اللى هيجى موضوعنا هيشرفنا ............... واللى مش هيجى هيوحشناااا

احب اول عضو يتسأل معانا يكوووووون (analiky) وهابقى سعيدة جدا ببقيت اعضاء المنتدى لو مروا على موضوعى وجاوبوا علية

بيبو
السلام عليكم
انا مش عارف انتي ليه اختارتيني انا علشان اتسأل اول الاعضاء بس هاجوبك علشان انا بعزك جدا

1_ انا مش بحب ودة مش معناه اني بكره

2_اكيد لو حبيتها هارتبط بيها حفاظا علي حديث الرسول اتقوا شر الشبهات

3_مش هاتفرق مين اللي بيحب التاني اكتي انا ولا هية المهم ان الحب موجود ودة في حد ذاته امان

4_اتمني من كل قلبي تكون كويسة متدينة هادية مثقفة تكون مستعدة لتحمل المسؤالية ودة مش معناه اني عايزها تشتغل لاء والله بس مش عايزها تكون من اللي بيحبو المي كب وتسيب بيتها واولادها

5_الحب علشان افكر فيه لازم اكون حاسس بيه وانا لسة ماحستش بيه خالص ومش قافل علي قلبي بس مفيش بنت لسة قدرت تحسسني بيها وتخليني اميل ليها

6_هايبقي جرح لو كانت حبيبتي ماتستهالش حبي وهازعل اوي من نفسي علشان ما قدرتش احكم عليها واعرفها من اول مرة

7_لما الاقيها بتخاف عليها وبتحبني ولما تكون حاسه بيا

احب اسمع اغنية اصاله وانا بين ايديك

واحب انك تكوني اللي تتسال بعد مني
ومشكورة ع الموضوع الكويس وليكي مني كل تقدير واحترام
اخوكي صلاح الدين ابو اية
انا ليكي شاعر المنتدي

1_ انا كنت بحب.

2_احنا كنا مرتبطين فعلا ارتباط رسمى .

3_احنا الاتنين كنا بنحب بعض اوى بس انا كرامتى فوق كل شىء

4_الحب بالنسبالى بيبقى جرح لما الانسان اللى بتحبة يجى عليك او يتغير معاك

5_وبيبقى فرح اما احس ان الانسان اللى بحبة بيحترمنى ويخاف عليا

6_فى الاخر احب اسمع اغنية خد بالك عليا (اليسا)

وأحب اللى يتسأل بعدى (shaymaa)

1_ اكيد بحب

2_ لو كان ربنا رايد اكيد هيتم الارتباط اول ماانزل مصر.

3_ كتير بحس انه بيحبنى بس احيانا لما مش بيسال عليا بخاف من حبه ليا انا بحبه اوى واتمنى انه يكون بيبادلنى نفس المشاعر.

4_ الحب بالنسبة ليا جرح لما بيكون حبيبي بعيد عن عيوني ولما يكون حبيبى مريض وانا مش قادره اخفف من اهاته.

5_ الحب بالنسبة ليا فرح لما بشوف في عيونه نظرة رضا.

6_وفى الاخر احب اسمع اغنيه (حياة الروح) لملك الرومنسيه فضل شاكر

واحب الى يتسال بعدى <<<مشمشه الشقيه>>>